eng

لجميع طلاب الهندسة
 
الرئيسيةالبوابةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 معلومات ببلاش عن قسم إتصالات

اذهب الى الأسفل 
كاتب الموضوعرسالة
mohaaaa



عدد الرسائل : 5
تاريخ التسجيل : 16/09/2008

مُساهمةموضوع: معلومات ببلاش عن قسم إتصالات   الأربعاء سبتمبر 17, 2008 5:59 am

بسم الله الرحمن الرحيم

اولا ومبدئيا كده اشاعة ان اتصالات حلوان وحشه فدي اشاااااااااااعه وكلام ملهوش اي اساس من الصحه Laughing Laughing

الدراسه عاوزة اهتمام عن اعدادي بكتير يعني لو اعتمدت على مزاكرة قبل الامتحان والملخصات وكده فانت لو ربنا كرمك هتطلع بمقبول بالعافيه ان مشلتش مواد

معرفش ليه الناس مصممه ان بتوع اتصالات ملهمش شغل غير في شركات المحمول ال3

مجال الشغل على حسب التخصص اللي هتخصصه

سواء كان بقى شكبات او تحكم او برمجه

يعني ليهم شغل في شركات البرمجه والمصانع وغيرها

يمكن مشكلتها انها [size=24]بتحتاج تاخد كورسات بره تكمل بيها دراسة الكليه


بالنسبه بقى لفكره ان الدراسه في حلوان وحشه فالكلام ده غلط وملهوش اي اساس من الصحه

الدراسه النظريه متفاوته بين الكليات يعني هتلاقي حلوان عاليه في حتت واقل في حتت تانيه وده الطبيعي في اي قسم وفي اي حته

بالنسبه للدكاتره فهما مش وحشين بس انا مش حابب اتكلم عنهم ع المنتدى هنا ممكن في لقاء اخر ان شاء الله

ندخل بقى ع المواد

الترم الاول:

الكترونيات 1:

ماده جميله جدا وتعتبر من اساسيات القسم بتتكلم عن الدايود والترانسستور الماده بيشلها كتير مش عشان صعبه بيشيلوها لاسباب تانيه

سيركت 1:

بتدرس بيها تحليل الدوائر الكهربائيه وبتدرس فيها نظرية كيرشوف وازاي تجيب التيار وفرق الجهد لجزء معين من الدايره

الورش الالكترونيه:

دي احلى ماده في الترم ده صراحه بتتعلم ازاي تنفذ الدوائر الالكترونيه وبتدرس فيها وتتعرف على المكونات الالكترونيه

التقارير الفنيه:

ماده من ام 50 درجه بتتعلم ازاي تكتب فيها تقارير تقريبا مفهاش اي حاجه لذيذه هيا ماده كده حفظ خلوا بالكم منها لان كتير بيقعوا بينخدعوا بسهولتها فبيقعوا فيها



الترم التاني:

سيركت 2:

هتدرس فيها حالات الرنين وبعد كده المواتير ومن بعد كده الدوائر المكافئه انا مش عاوز اخش في الشرح اووي فكره كل ماده كده ببساطه احسن

الكترو 2:

الماده اغلبها بيتكلم عن المكبرات (Amplifire) ازاي تكبر الترددات وازاي تتعامل فيه مع الحالات المختلفه

برمجه:

ماده لذيذه بيديها دكتور زي العسل كلكم عارفينه دكتور هشام كشك

بتدرس فيها لغة الC بس كده

اثر بيئي للمشروعات :

نرجع تاني لازمة المواد ام 50 ماده بتتكلم عن البيئه واثر المصانع والصناعت عليها فبتتكلم عن التلوث والضوضاء والتهويه

هيا ماده بسيطه ركز اهم حاجه مع المسائل مش النظري لان المسائل 2/3 الامتحان

الرياضه : ماده ممتده ومش محتاجه شرح

الفيزيا: ممتده برضو واغلبها كلام قديم
[/size]




طبعا هيجي واحد محترم ويسألني على موضوع التدريب

متقلقوش خالص فى وقت لكل حاجة اولا بالنسبة للتدريب الحياة مظلمة خالص فى الكلية يعنى ساعد نفسك على شهر 4 هتلاقى ناس راحت عند وكيل الكلية يشرحلها الموضوع مع انه مش هيلاقى كلام يقوله بس انت برضه هتروح هتاخد ورقة تعتبر طلب من الكلية او ممكن تصورها من اى حد عادى لان كدة كدة انت محتاج اكتر من ورقة عشان تقدمها فى اكتر من شركة وانت مطلوب منك تكتب اسم الشركات الى انت عايز تتدرب فيها او عندك سكة ليها وتكتب بيانات عادية زى الاسم والرقم القومى والشعبة وترجع تانى للوكيل عشان يمضيهم كلهم اى عدد ميهمكش وبكدة دور الكلية خلص المطلوب منك انك تاخد كل ورقة وتروح كل شركة تقدم معاك وسطة اهلا وسهلا مش معاك ربنا معاك ولازم تسرع علشان الاماكن محدودة فيه اماكن تطلب فلوس زى الاذاعة والتليفزيون والمطار فيه مش بيطلبوا زى كويك تل فى المعصرة والمصرية للاتصالات ودول عن ثقة مش محتاج وسطة لكن لازم تسرع وتقدم وفى اماكن كتير بس نصيحة سمعنا ان المصرية والاذاعة والتليفزيون طالبين من الكلية عدد من الاسماء وفي السنة الماضية ذهب الطلبة عند الوكيل وكتبوا الأسماء وفى الاخر مفيش حاجة ضاع عليهم التقديم فى المصرية علشان الكلية مابعتتش الاسماء والوقت اتاخر والاذاعة والتليفزيون الى دخل كان بوسطة واسئل مجرب اعتمد على نفسك


وده كلام واحد في رابعة إتصالات

بسم الله الرحمن الرحيم..... انا اخوكم احمد ان شاء الله رايح رابعة....... بالنسبة لموضوع التدريب دة مافيش اسهل منه لدرجة انى انا رحت ثلاث اماكن اتدربت فيهم فى سنه واحدة رحت ( الشركة المصرية للملاحة الجوية (المطار)، الاذاعة والتلفيزيون، TE-data).........
المطار دة بتأخد الورقة بتاعة الكلية وتروح تقدمها وبتدفع 100 جنية تمام وهيحدديولك معاد التدريب (التدريب هناك لذيذ جداً)، الاذاعة بتاخد الورقة وبتروح عند الباب هناك وتخلى بتاع السويتش يتصل باى حد تبع التدريب بتاع الهندسة الاذاعية هينزللولك ساعى هناك يأخد منك الورق ويقدمه او لو تعرف حد هناك يقددمهولك وخلاص ( التدريب هناك ما لوش لازمة)، ام تى اى داتا ليا واحد مهندس قريبى شغال هناك هو اللى قدم لى وكنت باخد 300 جنية في الشهر قعدت هناك شهر ونصف (التدريب هناك جميل جداً لان اولاً احنا كلنا كنا ثلاثة ( انا واتنين من الجامعة الامريكية) ثانياً احنا قعدين معاهم وهم بيشتغلوا بيورونا بيعملوا اية وكمان جو الشغل هناك اخر جمال).....

الخلاصة التدريب كل الافادة منه انك تشوف ناس جديدة والدنيا ماشية ازى وحاجات اول مرة تشوفها مثلاً انا لما كنت بتدرب فى المطار طلعونا برج المرقبة بتاع مطار القاهرة (من الاخر فسحة حلوة)........

لكن الافادة من الناحية العلمية عليكم وعلى الكورسات والكورسات اللى تهم بتاع اتصالات هى (ccna,VOIP, mobile package(GSM,CDMA,UMTS )
و طبعا اى لغة برمجه (سى شارب ، جافا، ماتلاب ......) اى حاجة.
لكن نصيحة انتوا لو اخذتوا اى حاجة مثلاً (ccna,VOIP, mobile package(GSM,CDMA,UMTS ) بعد ثانية غالباً مش هتفهموا كتير او اللى هتفهموه هيكون كلام سطحى ... فبعد ثانية الكورسات اللى ممكن تأخدوها هى اى كورس برمجة وبجد يا جماعة مهم جداً جداً علشان مشروع التخرج علشان والله كلنا دلوقتى طالع عنينا بسبب الموضوع دة ومزنوقين فى الكورسات بتاعة البرمجة...

فى ناس هتقولك روح خد كورس ميكرو كونترولر او ميكروبروسيسور بجد ما تخدش الكورسات دية علشان اصلاً هتأخدها فى الكليه مع دكتور العدوى و بجد هتكون احسن من اى حد خد كورس برة.... اوك




أسف طولت عليكوا cheers

مين بقى هيخش إتصالات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohaaaa



عدد الرسائل : 5
تاريخ التسجيل : 16/09/2008

مُساهمةموضوع: رد: معلومات ببلاش عن قسم إتصالات   الأربعاء سبتمبر 17, 2008 6:00 am

محجوز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BaScOo

avatar

ذكر عدد الرسائل : 12
العمر : 27
تاريخ التسجيل : 03/09/2008

مُساهمةموضوع: رد: معلومات ببلاش عن قسم إتصالات   الأربعاء سبتمبر 17, 2008 8:30 am

يا ابني من غير دا كولوا ان اتصالاااااااااااااااااااااااااااااااااااااااااااااااااااااااات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohaaaa



عدد الرسائل : 5
تاريخ التسجيل : 16/09/2008

مُساهمةموضوع: رد: معلومات ببلاش عن قسم إتصالات   الخميس سبتمبر 18, 2008 1:13 am

ده يا باسكو لتوضيح الصورة فقط للناس اللي عايزة تخش إتصالات وخايفة أو مش عارفة عنه حاجة
وإحنا لازم نعرف جميع المعلومات عن عدونا(بهزر طبعا)
وشكرا على مرورك What a Face
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اتصالات انطلق



عدد الرسائل : 6
تاريخ التسجيل : 01/09/2008

مُساهمةموضوع: رد: معلومات ببلاش عن قسم إتصالات   الخميس أكتوبر 09, 2008 5:26 pm

شكرااااااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
معلومات ببلاش عن قسم إتصالات
الرجوع الى أعلى الصفحة 
صفحة 1 من اصل 1
 مواضيع مماثلة
-
» كل فعل سببه الغضب عاقبته الإخفاق
» إثبات قانون السببية
» مدينة ببلبيس
» أسماء بلوتوث <<<هبل ببلاش>>>
» اتكلم 6 ساعات ببلاش

صلاحيات هذا المنتدى:لاتستطيع الرد على المواضيع في هذا المنتدى
eng :: الأقسام الهندسية :: أتصالات-
انتقل الى: